Son psicóloga con mención en Psicoloxía Educativa graduada da Universidade Politécnica Salesiana (Quito). Fun bolseira da Fundación Carolina con apoio de Inditex e a Axencia Española de Cooperación Internacional para o Desenvolvemento (AECID) para cursar o Máster en Intervención Psicolóxica na Discapacidade e a Dependencia na Universidade da Coruña, onde obtiven matrícula de honra no meu Traballo de Fin de Máster. Actualmente realizo o Doutoramento en Desenvolvemento Psicolóxico, Aprendizaxe e Saúde na Universidade de Santiago de Compostela (USC), financiada mediante un contrato predoctoral outorgado pola mesma universidade. En Ecuador, traballei como analista nos Departamentos de Consellaría Estudantil do Ministerio de Educación, experiencia que fortaleceu os meus intereses polos trastornos da aprendizaxe e da linguaxe, así como pola intervención psicoeducativa en contextos escolares.