A nosa compañeira Emma Mayo foi nominada, por segundo ano consecutivo, nos VII Premios Educa ABANCA mellor docente de España. Dende a plataforma EDUCA celébranse anualmente os Premios EDUCA ao Mellor Profesorado de centros públicos e privados de España co obxectivo de recoñecer publicamente o traballo de grandes docentes que viven e gozan do seu traballo, forman ao seu alumnado de por vida e se implican o máximo durante todo o proceso educativo, tanto dentro como fóra da aula. Os Premios EDUCA ao Mellor Docente de España teñen como obxectivo recoñecer o traballo realizado polos mellores docentes ao longo do curso académico. Buscan poñer en valor socialmente a figura do bo docente, a súa implicación no proceso de ensino do seu alumnado, así como a súa importancia para a sociedade.
Podes descargar aquí a lista de docentes nominados/as.
